被批低俗,禁搞簽名會,o靚模叫虛偽書展收檔 2010-06-24
[轉載/蘋果日報] o靚模近年都搶攻書展吸金，各自以性感招推出噴血寫真集誘宅男，去年已有團體發起禁 o靚模入書展靜坐抗議。下月 21日舉行的書展，主辦單位香港貿易發展局昨日表示諮詢過香港書展文化活動顧問團後，決定不接受意識不良和品味低俗的簽名活動場內舉行，周秀娜、新舊 8模、浸大咪神楊梓瑤等將全部被禁足，眾 o靚模佛都有火，群起狂插顧問團，舊 8模成員 A.Lin更叫書展收檔。
去年在書展威盡、贏盡人氣財氣的周秀娜，今年欲乘勢再在書展吸金，卻遇上主辦機構禁止她入場造勢宣傳，立即打亂周秀娜陣腳，令她激到生蝦咁跳，平日 EQ甚高的她昨日也寸爆：「嗰班顧問團喺邊度走出嚟，香港啲人真係越嚟越虛偽，冇嗰樣整嗰樣。手執大平台嘅主辦商都鍾意搞小圈子。」周秀娜抗拒被評低俗，她說：「好想問顧問團嘅成員係咪兩年前評大衞像不雅嘅人又嚟出招？」
